شوية دين !

اليوم و بالصدفة سمعت حد بقصد بحديثه المسيحية و بقول : رغم أنهم مناح مع المسلمين و بحترموا مشاعرهم و بيوكلوش قدامهن و أنهم برضه بعيدوا عليهم بأعيادهم إلا أنهم بضلهم "مُشركين"! .. و هون عماها بعد ما حاول يكحلها ! ، و مشاني حُست كثير و ما قدرتش أرد عليه بحب أفش غلي هون .. تعال يا حبيبي ، المسيحية مُشركين ! طيب مشان أوضحلك الأمور خُذ هالمفاجأة :" برضه المسلمين مُشركين " ، يعني بالنسبة للمعنى المتعارف عليه لمصطلح "مُشرك" فهذا الأشي بنطبق عليك تماماً و يا سيدي هي التعريف كمان (( المُشرك هو الذي يعترف بوجود الله لكنهُ يعبد مع الله أي يشرك غيره معه بزعم أن من يعبده يقربه إلى الله كما قال القرآن عن المُشركين "وَالَّذِينَ اتَّخَذُوا مِنْ دُونِهِ أَوْلِيَاءَ مَا نَعْبُدُهُمْ إِلَّا لِيُقَرِّبُونَا إِلَى اللَّهِ "(( 

يعني أنتَ يا الي بتعبد محمد ، و عايشة ، و الصحابة ، و بتعبد الحُكام ، و بتعبد الشيوخ ! و غيرهم كثير . بطلعلكش تحكي أبداً عن حدا بشبهك تماماً و مش فارق عنك بعبادته إلا بأثنين المسيح ، و مريم ! .

*ملاحظة : هذا مش تعميم لأنه في ناس كثير مش هيك ، بس للأسف إنه الأكثرية الظاهرة هيك ! .

* ملاحظة ثانية : أنا ما بهاجمش و لا بدافع ، انا بلفت نظركم لخطأ الأثنين بمارسوه ! .